СЈО НА СЕМКАРНИЦАТА Ѝ ПЛАЌАЛО ЗА КИРИЈА, А НЕ ЗА БАДЕМИ И КИКИРИТКИ

    СЈО НА СЕМКАРНИЦАТА Ѝ ПЛАЌАЛО ЗА КИРИЈА, А НЕ ЗА БАДЕМИ И КИКИРИТКИПред десетина дена, од компанијата стигнало барање во просториите на ова обвинителство, не само да им се исплати долгот за киријата, туку и просторијата (бившата семкарница), да им биде вратена во првобитната положба. - Осудениот бизнисмен Сеад Кочан на распит во СЈО по грешка влезе во семкарницата (Фото:СДК.МК)

    Семкарницата во објектот на СЈО на фирмата „Чеза комерц“, која се затвори и потоа под наем била дадена како помошна просторија за истражување на економски криминал од страна на обвинителството, месечно за кирија добивало од Катица Јанева по 101.700 денари.

    Според официјалните податоци, просторијата била земена од СЈО на 14 јули 2017 година. Вкупно Јанева за кирија на „Чеза комерц“ годинава исплатила 13.000 евра.

    Пред десетина дена, од компанијата стигнало барање во просториите на ова обвинителство, не само да им се исплати долгот, туку и просторијата (бившата семкарница), да им биде вратена во првобитната положба. – Исплатите кон „Чеза комерц“ на владината база „Отворени финансии“

    Но, откако поранешната специјална обвинителка Катица Јанева е во притвор и СЈО нема веќе потписник на сметките, на „Чеза комерц“ веќе не ѝ се исплаќа кирија, како што впрочем во СЈО не се исплаќаат ни плати, ни сметки за струја, вода, парно, телефони, интернет… Пред десетина дена, од компанијата стигнало барање во просториите на ова обвинителство, не само да им се исплати долгот, туку и просторијата (бившата семкарница), да им биде вратена во првобитната положба.

    Според вработените во зградата, изнајмената просторија претрпела промени. Таму има бироа и мебел за економистите, инсталирана била мрежа за интернет, а враќањето назад се како што било, бара финансиски средства.

    С. К. ДЕЛЕВСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари