ТРИ ГОДИНИ ЗАТВОР ЗА ПАВЛЕВСКИ И ГОДИНА И ДВА МЕСЕЦА ЗА ГЕОРГИЕВСКИ ЗА ПРЕТЕПУВАЊЕТО НА СЕЛА

    ТРИ ГОДИНИ ЗАТВОР ЗА ПАВЛЕВСКИ И ГОДИНА И ДВА МЕСЕЦА ЗА ГЕОРГИЕВСКИ ЗА ПРЕТЕПУВАЊЕТО НА СЕЛАПратеникот Зијадин Села како оштетена страна пристигнува во Основниот суд Скопје 1 за претходно рочиште. (архивска фотографија)

    Во Основниот суд Скопје 1 денеска беа изречени првите затворски казни за претепувањето на пратеникот Зијадин Села на 27 април лани. Три години затвор доби Стојан Павлевски, а Цејо Георгиевски доби една година и два месеци. За двајцата, обвинителството во текот на постапката го преквалификува делото од обид за убиство во насилство и двајцата признаа вина на претходното рочиште.

    Судијката Славица Андреевска кажа дека разликата во висината на казаните е поради тоа што Павлевски е првиот кој влегува во Собранието и се насочил кон пратениците.

    По признавањето вина, за Павлевски и Георгиевски се водеше издвоена постапка, а судењето за предметот продолжува на 2 и 5 јули, за кога се закажани завршни зборови.

    За обид за убиство на Села обвинети се Кире Георгиевски, Оливер Ошавковски, Николче Димитриевски, Александар Јаневски – Тошта, Андреј Мицов, Никола Војминовски и Коста Делов.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира