На Плоштадот Македонија во Скопје денеска беше одбележан Денот на независноста на Украина. Странските амбасадори во земја со знамиња во рацете дадоа поддршка на Украина која веќе 6 месеци е во војна, откако беше нападната од Русија на 24 февруари.

Дел од програмата за одбележување на независноста на Украина беше и поставување светски рекорд за изведување на националната химна на Украина која се пееше истовремено во 50 земји во светот.

Странските амбасадори во земја со знамиња во рацето дадоа поддршка на Украина која веќе 6 месеци е во војна откако беше нападната од Русија. (Фото: Ѓ. Личовски)

На 24 август 1991 година Украина прогласи независност од Советскиот Сојуз, а по 31 година денеска го слави Денот на независноста во услови на војна. Токму на 24 февруари започна руската агресија врз Украина, така што граѓаните на оваа земја денеска одбележуваат и шест месеци од одбраната на суверенитетот и територијалниот интегритет.