Владата за организирање на прославата во 15 градови по повод добивањето покана за НАТО и утврдување на датум за преговори со ЕУ, потрошила 179 илјади евра.

„Организацијата на целиот настан, обезбедувањето на соодветна техника, озвучување, осветлување, бини, редари, технички персонал, сценска опрема, ангажман на 40-тина изведувачи коишто настапија во 15 градови низ Македонија, транспорт на опрема и технички персонал, промоција на настаните, графички и визуелни решенија и активности за промоција, со сите ставки чини 11.900 евра по град или вкупно 179.500 евра за прославата „Одиме напред – Македонија во НАТО и ЕУ“, соопшти Владата.

За 40-тината пејачи кои настапија на прославата, Владата платила вкупно 75.500 евра.