Загина  22-годишна девојка синоќа во Скопје, кога на булеварот Партизански одреди ја удри кола што ја возел 20-годишник, соопшти Обвинителството.

Дежурен јавен обвинител од Основното јавно обвинителство Скопје синоќа изврши увид на лице место и според првичните сознанија, до несреќата дошло кога „пежо“ со скопски регистарски ознаки што го возел 20-годишникот удрило во девојката, која добила тешки повреди и веднаш починала.

Јавниот обвинител издаде наредба за обдукција на телото на починатата. Возачот е задржан и за него е издадена наредба за испитување на крв и урина. Исто така, јавниот обвинител издава наредби за обезбедување на снимки од видео надзор на локацијата, како и за преземање на сите други дејствија за целосно испитување на настанот.