Пред штабот на СДСМ во Битола започна да се слави. Собрани се неколку стотици граѓани и со зурли и тапани прославуваат и играат ора.

Гого Видимче од СДСМ на вечерашниот прес изјави дека според нивните неофицијални податоци, кандидатот за градоначалник од СДСМ Наташа Петровска води со два спрема еден во однос на кандидатот на ВМРО ДПМНЕ Зоран Илиоски.

Пред штабот на ВМРО ДПМНЕ скоро и да нема граѓани. На новинарите кои чекале изјава им е кажано дека нема да има прес и официјалните податоци да ги преземат од партиската централа во Скопје.

Ж. ЗДРАВКОВСКА