Пратениците на Движењето Беса ќе гласаат за разрешување на републичкиот Јавен обвинител Марко Зврлевски.
„Ќе гласаме за разрешување. Според нас, Марко Зврлевски е разрешен со формирањето на Специјалното јавно обвинителство и зад кое што застанаа сите политички партии. Со тоа, е констатирана одговорноста на Зврлевски“, рече Фадил Зендели од Беса на денешната прес-конференција во Собранието.

Пратеникот на Беса Зендели како забелешка за владиното образложение за разрешувањето на Зврлевски, наведе дека покрај законските пропусти што ги направил обвинителот, ги спомнал само некои случаи, без да ги спомнат и случаите кои што ги интересираат Албанците.

Пратениците се на пауза до 14 часот, а пратениците на мнозинството се на координација дали ќе ги повлечат дискусиите за разрешувањето на Зврлевски.

Г. ТРПЕНОСКИ