Хрватската амбасадорка Данијела Баришиќ и францускиот амбасадор Кристијан Тимоние заедно го следат во Скопје натпреварот на нивните репрезентации во финалето на Светското првенство во Москва.
Гости на двајцата амбасадори во скопското кафуле се министрите за надворешни работи и одбрана, Никола Димитров и Радмила Шекеринска, како и вицепремиерот Бујар Османи.
Засега, повеќе причини за задоволство има францускиот амбасадор Тимоние, бидејќи на полувремето од мечот во Москва водство од 2:1 има неговата репрезентација.
