БИВШИОТ ТРЕНЕР НА ВАРДАР РАУЛ ГОНСАЛЕС ГО ОДБЕЛЕЖА ДЕНОТ НА НЕЗАВИСНОСТА ВО ПАРИЗ

    БИВШИОТ ТРЕНЕР НА ВАРДАР РАУЛ ГОНСАЛЕС ГО ОДБЕЛЕЖА ДЕНОТ НА НЕЗАВИСНОСТА ВО ПАРИЗГонсалес со министерот за надворешни работи Никола Димитров на приемот во македонската амбасада во Париз (Фото: Фејсбук)

    Раул Гонсалес, шпанскиот тренер кој ги одведе ракометарите на Вардар до првата титула во Лигата на шампионите, беше гостин на приемот што македонската амбасада во Париз го организираше по повод 8 Септември – Денот на независноста. Гонсалес присуствуваше на приемот заедно со своето семејство.

    Македонија е средината во којашто Гонсалес доживеа полна тренерска афирмација. Тој пристигна на клупата на Вардар во 2014 година како релативно непознато тренерско име за пошироката јавност, а само три години подоцна сензационално беше освоена европската титула на Фајнл фор турнирот во Келн.

    Овој огромен успех му ја отвори вратата за трансфер на клупата на ПСЖ, најбогатиот ракометен клуб на светот. Гонсалес едно време беше и селектор на македонската репрезентација.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари