Новак Ѓоковиќ петта година по ред ќе игра во финалето на Вимблдон откако со доминантна партија го совлада осмиот носител Јаник Синер со 6:3, 6:4, 7:6. Противник ќе му биде подобриот од второто полуфинале, во кое се среќаваат Данил Медведев и Карлос Алкарас.

Тоа е неговото 35. финале на гренд слем турнирите, со што стана нов апсолутен рекордер во тенисот, надминувајќи ја Крис Еверт.

Исто така, Србинот в недела ќе се бори за својата осма титула на Вимблдон, со што би се израмнил со рекордерот Роже Федерер.