Жозе Мурињо е отворен за враќање во Реал Мадрид, изјави неговиот менаџер, но досега нема добиено понуда и не брза со донесувањето одлуки.

Бенфика на Мурињо ја заврши сезоната во португалското првенство без пораз, но, сепак, не успеа да ја освои шампионската титула. Таа забележа 23 победи и 11 ремија, но освоените 80 бодови беа доволни само за третото место, додека шампионот Порто има осум повеќе.

Според шпанските и португалските медиуми, Мурињо е главниот кандидат да го замени привремениот тренер Алваро Арбелоа на клупата на Реал Мадрид, каде што работеше од 2010 до 2013 година.

„Мојата иднина треба да се одлучи оваа недела. Имам предлог од Бенфика. Немам предлог од Реал Мадрид. Не можеме да сокриеме дека има нешто, но не директно со мене. Ми требаат време и простор да ја донесам мојата одлука и мислам дека оваа недела ќе биде многу важна“, изјави Мурињо.

И Арбелоа кажа дека Мурињо е неговиот прв фаворит за нов тренер на Реал.