Финалето на плеј-офот во домашното одбојкарско првенство му припадна на Штип-УГД, кој првпат стана шампион на Македонија. Вицешампиони се одбојкарите на Борец од Велес, откако штипјани остварија максимална победа од 3:0 во сетови (25:18, 25:18, 25:16), со што им го нанесоа третиот пораз во финалето од плеј-офот.

Пред една недела, нешто слично се случи и во финалето на Купот, во кое Штип-УГД исто така го совлада Борец. Со ова, првата шампионска титула на штипјани прерасна во двојна круна и им дава можност за настап и во европските натпреварувања.

Т. ЈОВАНОВСКИ