Кристијано Роналдо е прогласен за најдобар фудбалер во светот за 2017 година во изборот на ФИФА.

На церемонијата во Лондон, напаѓачот на Реал Мадрид и на Португалија ги победи Лионе Меси од Барселона и Нејмар од Пари Сен Жермен. Роналдо, кој има 32 години, му помогна на Реал да ги освои титулите во Лигата на шампионите и во Ла Лига во сезоната 2016/17.

Холанѓанката Лике Мартенс од Барселона ја доби наградата за најдобра фудбалерка. Зинедин Зидан од Реал Мадрид ја доби наградата за најдобар тренер, а Холанѓанката Сарина Вигман за најдобар женски тренер.

Оливје Жиру од Арсенал ја доби наградата „Ференц Пушкаш“ за најдобар гол во 2017 година, за неговиот „удар како шкорпија“ против Кристал Палас во јануари.