Авион што ја превезувал Меланија Трамп бил принуден да се врати назад и да слета, откако почнало да чади од пилотската кабина.

„Сѐ е во ред и сите се безбедно“, изјави портпаролката на првата дама на САД, додавајќи дека причината за чадот е мал механички квар.

Новинарите кои патувале со Трамп добиле влажни крпи и им било кажано „да ги стават на лицата, бидејќи мирисот е пресилен“, откри репортерот на Ен-Би-Си.

Меланија Трамп беше на пат за Филаделфија, за да се сретне со семејствата погодени од опиоидската криза. Официјалните лица кажаа дека посетата не е откажана, иако претседателскиот авион мораше да се врати во базата во Мериленд неколку минути по полетувањето.

„Таа доби друг авион. Се надевам дека е подобар од првиот“, изјави Доналд Трамп за „Фокс њуз“.