Германската полиција проби осомничена педофилска мрежа, при што неколкумина беа уапсени, а ослободено е и дете за кое се стравуваше дека е во непосредна опасност, соопштија обвинителите.

Полицајците пронашле 12-годишно момче во околности „кои го оправдуваат сомнежот за сексуална злоупотреба“ при претрес на стан на осомничениот. Осомничениот е уапсен. Полицајците извршија други претреси и апсења во последните недели, се вели во соопштението. Вкупно беа издадени налози за апсење на седум осомничени во пет германски покраини.

Лицата кои се во притвор, на возраст меѓу 41 и 53 години, се под истрага поради сомневање за организирано дистрибуирање на детска порнографска содржина. Тие, наводно, направиле достапни фотографии и видеа од сексуалната злоупотреба на деца и активно ги споделувале на платформите за детска порнографија на темната мрежа како администратори и модератори. Неколкумина осомничени делумно признале.

Полицијата затвори и платформа која „под маската на промоција на музички таленти, служеше за воспоставување контакт меѓу педофилите и малолетниците“, се вели во соопштението. Полицајците обезбедија приближно 620 докази, меѓу кои и забранети сексуални кукли кои личат на деца.