Коронавирусот влезе и во германската влада откако позитивен тест имаше министерот за здравство Јенс Шпан.
Министерството соопшти дека Шпан веднаш заминал во изолација и дека има симптоми налик на настинка. Канцеларката Ангела Меркел и останатите членови на владата засега нема да одат во изолација, иако се сретнале со Шпан на денешен состанок.
„Федералниот кабинет се среќава во согласност со сите правила за хигиена и дистанца, што има за цел да обезбеди членовите да не мора да одат во карантин ако некој од нив подоцна има позитивен тест“, изјави портпаролот на владата.
Четириесетгодишниот Шпан е една од најистакнатите личности во борбата со коронавирусот во Германија.
