ГЛОБАЛНИОТ САМИТ ЗА КЛИМАТА ОДЛОЖЕН ЗА 2021 ПОРАДИ КОРОНАВИРУСОТ

    ГЛОБАЛНИОТ САМИТ ЗА КЛИМАТА ОДЛОЖЕН ЗА 2021 ПОРАДИ КОРОНАВИРУСОТНа самитот во ноември во Глазгов требаше да се усвојат поамбициозни планови за заштита на климата (Фото: Гети)

    Клучен самит за климата на Обединети нации, што требаше да се одржи во ноември во Глазгов, е одложен за следната година поради пандемијата на коронавирусот.

    „Светот се соочува со досега невиден глобален предизвик и земјите со право се фокусираат на борбата со КОВИД-19. Од таа причина, Конференцијата за климатски промени ЦОП26 се одложува“, изјави нејзиниот претседател Алок Шарма.

    Таа требаше да се одржи во Глазгов од 9 до 20 ноември, а одлуката за одложување заеднички ја донесоа Обединети нации, Велика Британија и Италија.

    „Имајќи ги предвид ефектите што коронавирусот ги има врз светот, одржување на така амбициозна конференција во ноември 2020 веќе не е можно. Примарна цел на државите во моментов е да спасуваат животи“, се вели во соопштението на организаторите.

    На овој самит требаше да се усвојат поамбициозни планови за заштита на климата, при што се очекува владите да се обврзаат на намалување на емисијата на стакленички гасови.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари