ХАГ ПОКРЕНА ОБВИНЕНИЕ ЗА ВОЕНИ ЗЛОСТОРСТВА ПРОТИВ КОСОВСКИОТ ПРЕТСЕДАТЕЛ ХАШИМ ТАЧИ

    ХАГ ПОКРЕНА ОБВИНЕНИЕ ЗА ВОЕНИ ЗЛОСТОРСТВА ПРОТИВ КОСОВСКИОТ ПРЕТСЕДАТЕЛ ХАШИМ ТАЧИТачи и уште деветмина се товарат за речиси 100 убиства кои датираат од војната во Косово во 1998=99 година (Фото: Гети)

    Косовскиот претседател Хашим Тачи е обвинет за воени злосторства од Специјалното меѓународно обвинителство во Хаг.

    „Тачи и уште деветмина се криминално одговорни за речиси 100 убиства“, објавија од канцеларијата на Специјалното обвинителство (СПО), откривајќи дека меѓу нив е и Кадри Весели, поранешен претседател на Собранието на Косово и лидер на Демократска партија.

    Обвинувањата, кои се однесуваат на војната за независност на Косово во 1998-1999 година, треба да бидат потврдени од Специјалниот суд за Косово во Хаг, пред да станат и формални. Тачи ги негираше сите обвинувања.

    „Ова обвинение е резултат на долготрајни истраги и го одразува уверувањето на Обвинителството дека без сомнение може да ги докаже сите обвинувања. Жртвите на кривичните дела од обвинението се стотици лица чиј идентитет е познат и меѓу нив има косовски Албанци, Срби и Роми, како и политички противници“, се вели во соопштението на СПО.

    Оттаму додаваат дека биле принудени да издадат јавно соопштение за обвинението поради „континуираните обиди на Тачи и Весели да ја попречуваат и подриваат работата на Специјалниот суд“.

     

     

     

     

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира