Кинеските власти официјално означија крај на врвот на ширењето на коронавирусот во земјата, два и пол месеци откако тој за првпат беше идентификуван во градот Вухан.

„Бројката на нови случаи е во постојан пад“, изјави портпаролот на Националната здравствена комисија на Кина.

Во последните 24 часа имало само 15 нови случаи низ целата земја, од кои осум во провинцијата Хубеи. Ова е првпат од почнувањето на заразата бројката на новозаразени во провинцијата да е помала од десет.

Во изминатите седум дена, ширењето на коронавирусот беше значително успорено, со што драстичните мерки во сообраќајот и движењето на луѓето дадоа резултати. Властите на Хубеи рекоа дека ограничувањата во патувањето наскоро ќе бидат олеснети.