Шведската влада ги продолжи ограничувањата за патувања во земјата до 31 август, што ќе се однесува и на македонските државјани.
Оваа мерка беше воведена во март за да се спречи ширењето на коронавирусот и исклучок од сегашната одлука ќе бидат истите 14 „безбедни“ држави кои се најдоа на последната листа на Европската Унија: Алжир, Австралија, Грузија, Јапонија, Канада, Мароко, Црна Гора, Нов Зеланд, Руанда, Србија, Јужна Кореја, Тајланд, Тунис и Уругвај.
Владата кажа дека ја донела одлуката на препорака на Европскиот совет.
„Забраната за влез нема да се однесува на новите жители и студентите кои допрва треба да се преселат во земјата“, појасни владата.
