Речиси 100 деца се убиени во Украина само во месец април, иако вистинската бројка може да биде значително поголема, соопшти Детскиот фонд на Обединетите нации (УНИЦЕФ). Заменикот извршен директор на УНИЦЕФ, Омар Абди, зборуваше денеска пред Советот за безбедност на ОН и предупреди дека војната Украина предизвикува криза со заштита на децата и детските права.

Само изминатиот месец, ОН верификуваше речиси 100 убиени деца и веруваат дека вистинската бројка е доста поголема. Голем број на деца се повредени и се соочуваат со тешки повреди на нивните права, а милиони се раселени како бегалци.

Абди побара да се стави крај на бомбардирањето на украински училишта, додавајќи дека секое шесто училиште во источна Украина поддржано од УНИЦЕФ е оштетено или уништено.

„Стотици училишта ширум земјата се погодени од тешка артилерија, воздушни удари и други експлозивни оружја во населените места“, кажа Абди.