Шпанската полиција уапси висок официјален претставник на Каталонија и изврши рација во регионалните владини министерства вклучени во организирањето на забранетото гласање за независност. Тензиите веќе беа високи пред апсењето на Хозеп Марија Хове, генерален секретар на потпретседателството на Каталонија.

Каталонските лидери се спротивставуваат на судскиот налог за запирање на гласањето, осудено од мадридската влада како незаконско. Еден официјален претставник повика на мирен отпор за заштита на зградите.

“Дојде време – ајде да се спротивставиме мирно, да излеземе и да ги браниме нашите институции”, напиша Твитер на претседателот на Националното собрание на Каталонија, Жорди Санчез.

Полицијата рано утринава, 11 дена пред рефеендумот, влезе во министерствата за економија, надворешни работи и зградите на претседателството. Шефот на притворените службеници, каталонскиот заменик-претседател Ориол Џункерас, ја обвини шпанската полиција дека ги нападнала институциите во регионот, а со тоа и нејзините граѓани.

„Нема тоа да го да дозволиме”, рече тој.

Ноќта претходно, шпанската полиција откри масовна документација директно поврзана со забранетото гласање. Каталонските полицајци, кои патролираа надвор од зградата во Тераса, беа преплавени со демонстрантите што се обидоа да ја блокираат улицата.

Каталонската влада се обидува да го организира референдумот од 1. октомври, пред решителниот отпор од државната влада која сака да го спречи. Мадридската влада е поддржана од шпанскиот Уставен суд, кој го суспендираше законот за референдум усвоен од каталонскиот парламент.

Околу 7,5 милиони луѓе живеат во богатиот шпански североисточен регион. И покрај тоа што анкетите на јавното мислење се ретки, едно истражување нарачано од владата на Каталонија во јули покажа дека 41 отсто од гласачите ја поддржуваат независноста, додека 49 отсто се против.