СОМНИТЕЛЕН ПАКЕТ ИСПРАТЕН И ДО РОБЕРТ ДЕ НИРО

    СОМНИТЕЛЕН ПАКЕТ ИСПРАТЕН И ДО РОБЕРТ ДЕ НИРОПакетот бил испратен во ресторанот на Де Ниро, „Трајбека грил“ во Њујорк (Фото: АП)

    Сомнителен пакет сличен на оние што се испратени во Си-Ен-Ен и до високи демократски функционери стигнал и на адресата на ресторанот во Њујорк, што е во сопственост на легендарниот актер Роберт де Ниро.

    Повикувајќи се на извори од полицијата, Ен-Би-Си објави дека експлозивна направа била испратена во ресторанот „Трајбека грил“ денеска во утрински часови по локално време, кој притоа бил евакуиран.

    Ако биде поврзана со претходните направи, тоа ќе биде осма писмо бомба испратена до жестоки критичари на Доналд Трамп, кој ги осуди заканите. Де Ниро често јавно го навредуваше Трамп и во една прилика го нарече „национална катастрофа“.

    Почнувајќи од милијардерот Џорџ Сорос во понеделникот, експлозивни направи беа пронајдени на локации во Њујорк, Вашингтон и Флорида, при што, меѓу другите, биле адресирани на Барак Обама, Хилари Клинтон и поранешниот шеф на ЦИА, Џон Бренан.

    Полицијата смета дека тие се испратени од исто лице, додавајќи дека никој не е повреден.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира