Тереза Меј ќе го одложи гласањето за брегзит што требаше да се одржи утре во британскиот парламент, јавуваат тамошните медиуми.

Таа ќе им се обрати на пратениците во попладневните часови, кога се очекува да ја соопшти ваквата одлука, велат извори од нејзиниот кабинет.

Владата и натаму инсистира гласањето да се одржи утре, и покрај тоа што нема расположение договорот да помине.

„Гласањето дефинитивно нема да се одржи“, откри извор од владата.

Ова уследи истиот ден откако Европскиот суд на правдата заклучи дека Велика Британија би можела еднострано да се откаже од излегувањето од Европската Унија, без да добие дозвола од останатите 27 членки.

Портпаролката на Европската комисија Мина Андреева изјави дека Европската Унија нема повторно да преговара за Договорот за повлекување.