Претседателот Доналд Трамп денеска објави дека САД ќе се повлечат од историскиот нуклеарен договор со Иран, со што ќе се нанесат длабоки удари за американските сојузници и потенцијално ќе се продлабочи изолацијата на претседателот на светската сцена.

Трамп рече дека САД се повлекуваат од нуклеарниот договор со Иран, што тој го нарече „неисправен во суштината“. Трамп денеска потпиша претседателски меморандум за повлекување од Договорот од 2015 и планира повторно да ги воспостави санкциите за иранскиот режим. Тој во обраќањето до нацијата рече дека ќе го врти највисокото ниво на санкции и ги предупреди сите земја да не помагаат на иранската влада.

Трамп рече дека Америка „нема да биде заложник на нуклеарна уцена“ и нема да дозволи „режим кој се моли за смрт на Америка” за да добие пристап до нуклеарно оружје.

Претседателот Трамп рече дека ја донел одлуката по консултации со американските сојузници.

Одлуката на Трамп значи дека иранската влада сега мора да одлучи дали да ги следи САД и да се повлече
или да се обиде да го спаси она што останало од договорот. Иран понуди конфликтни изјави за тоа што може да стори – и одговорот може да зависи од тоа како Трамп ќе излезе од договорот.

Договорот, постигнат во 2015 меѓу САД, другите светски сили и Иран, ги укина повеќето американски и меѓународни санкции против земјата. За возврат, Иран се согласи на ограничувања на својата нуклеарна програма што се оневозможи да се произведе бомба, заедно со ригорозни инспекции.