Третата рунда мировни преговори помеѓу Русија и Украина заврши без да се постигне забележителен напредок.
„Има мал позитивен напредок во логистиката на хуманитарните коридори, но не е договорено ништо за пошироката ситуација да се подобри значително“, изјави Михајло Подољак, советник на украинскиот претседател Зеленски.
Од рускиот преговарачки тим кажаа дека преговорите ги исполниле очекувањата и дека ќе бидат продолжени.
Пред почетокот на денешните разговори во Белорусија, Москва како услови за запирање на нападите побара од Украина да прекине со воената акција, да вгради неутралност во својот устав, да го признае Крим за руска територија и да ги признае народните републики Доњецк и Луганск како независни територии.
