Тројца научници ќе ја поделат Нобеловата награда за физика за нивното проучување и разбирање на сложени системи, како климата на Земјата. Како добитници беа објавени Сјукуро Манабе (Јапонија/САД), Клаус Хаселман (Германија) и Џорџо Паризи (Италија).

„Манабе и Хаселман ги поставија темелите за нашето знаење за климата на Земјата и како човештвото влијае врз неа. Откритијата на Паризи овозможија да разбереме и опишеме бројни различни материјали и феномени, што е применливо не само во физиката, туку и во други научни области“, појасни Нобеловиот комитет.

Со 89 години, Хаселман е најстар од тројцата нобеловци за физика за 2021.