ЦРНОГОРСКИ ОПОЗИЦИСКИ ПОЛИТИЧАРИ ОСУДЕНИ НА ПЕТ ГОДИНИ ЗАТВОР ЗА ОБИДОТ ДА ГО СОБОРАТ ЃУКАНОВИЌ ВО 2016

    ЦРНОГОРСКИ ОПОЗИЦИСКИ ПОЛИТИЧАРИ ОСУДЕНИ НА ПЕТ ГОДИНИ ЗАТВОР ЗА ОБИДОТ ДА ГО СОБОРАТ ЃУКАНОВИЌ ВО 2016Заговорниците, вклучувајќи го и пратеникот Милан Кнежевиќ, наводно имале поддршка од Москва (Фото: АФП)

    Суд во Подгорица осуди на петгодишен затвор двајца проруски опозициски политичари кои се обидоа да ја соборат власта во Црна Гора во октомври 2016 година.

    Уште 12 лица, од кои двајца агенти на руската разузнавачка служба ГРУ, се прогласени за виновни, но во отсуство.

    Обвинителите кажаа дека заговорниците имале поддршка од Кремљ да го ликвидираат тогашниот премиер Мило Ѓукановиќ и да го спречат влегувањето на Црна Гора во НАТО. Русија ги отфрли обвинувањата за пуч како апсурдни, додека опозицијата постојано тврдеше дека тоа била само игра за Ѓукановиќ, кој сега е претседател, да остане на власт.

    Освен опозициските пратеници Андрија Мандиќ и Милан Кнежевиќ, други осудени се уште еден Црногорец, деветмина Срби и двајца Руси, кои добија и најтешки затворски казни, од 12 и 15 години.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари