Украина негираше дека ја таргетирала Бугарија, откако дрон експлодираше во близина на стратешкиот Транс-балкански гасовод што ги поврзува Турција и Украина, во близина на романската граница. Министерството за одбрана на Бугарија соопшти дека дронот бил од тип широко користен од украинската војска.

„Во близок контакт сме со бугарската страна за да се разјаснат околностите на инцидентот. Можеме со сигурност да кажеме дека украинските вооружени сили не насочиле намерно никакви средства кон Бугарија“, изјави портпаролот на украинското министерство за надворешни работи Георгиј Тихи.

Експлозијата не предизвика жртви, но бугарскиот премиер Румен Радев рече дека дронот носел значително количество експлозив.

„Дронот експлодираше 1.000 метри од компресорска станица на Транс-балканскиот гасовод. Во моментов ништо не укажува дека станува збор за намерен инцидент. Дронот се урна во поле со сончоглед. Романската гранична полиција го снимила звукот на дронот, а потоа патрола на бугарската гранична полиција забележала гласна експлозија придружена од црн чад. Идентификувањето и неутрализирањето на овие дронови претставува голем предизвик“, рече Радев.