Домашните фудбалски првенства се прекинуваат на неодредено време поради коронавирусот, одлучи денеска Натпреварувачката комисија на Фудбалската федерација на Македонија.

Ова ќе ги опфати Првата и Втората лига, третите лиги, женскиот шампионат и футсал лигата.

„Одлуката е донесена по последните препораки и забрани од Министерството за здравство за превенција од КОВИД-19, што опфаќа забрана на сите јавни и приватни собири, без разлика на обемот и бројката на учесници“, се вели во соопштението на ФФМ.