Новак Ѓоковиќ, Марин Чилиќ и останатите учесници на тенискиот турнир Адрија тур во Задар ќе бидат тестирани на коронавирус, откако бугарскиот тенисер Григор Димитров објави дека имал позитивен тест.

Тој минатата недела играше на белградскиот дел од овој ревијален турнир, за потоа порано да си замине од Задар. Поради ваквиот развој на настаните, откажан е финалниот меч помеѓу Ѓоковиќ и Андреј Рубљов. Димитров уште по завршувањето на мечот од првото коло со Борна Ќориќ кажа дека се чувствува лошо, по што се повлече од турнирот.

„Сакам да соопштам дека имав позитивен тест на коронавирус. Сите кои беа во контакт со мене ќе одат на тестирање. Жалам ако сум заразил некого“, кажа Димитров, кој се тестирал во Монако.

Освен што играа тенис, учесниците на овие турнири се дружеа и надвор од терените.