Силно невреме и торнадо синоќа ја погодија Италија близу Рим, убивајќи најмалку двајца и повредувајќи десетици други.
Во местото Ладисполи, на 30 километри од Рим, едно лице загинало кога врз него се урнал дел од зграда, а десетина се повредени.
Има голем број паднати дрва и уништени продавници, но најголемите штети се на железничката станица, каде се урнала платформата. Во самиот центар на ова место се урнала и цела зграда од осум ката. Весникот „Ил Месаџеро“ пишува дека голем број од жителите се евакуирани.
Во населбата Чезано на северот на Рим загинал пензионер врз чиј автомобил паднало дрво. Медиумите јавуваат за големи штети, бидејќи од невремето голем број објекти останале без покриви и настрешници, додека некаде невремето уривало и ѕидови.
Во Рим едно од најмаркантните обележја на градот, Колосеумот, е под вода.
Damaging tornado in Rome, Italy awhile ago!! Unfortunatelly several deaths reported as well. @reedtimmerTVN @SeanSchofer @stormpics pic.twitter.com/VZVsFwg8Bh
— severe-weather.EU (@severeweatherEU) November 6, 2016
