Иако Енди Ворхол славно создавал уметност од канти за ѓубре, тој можеби не очекувал дека неговите дела ќе завршат во ѓубре. Но, токму тоа е местото каде што службениците во холандско градско собрание мислат дека можеби падналла една од неговите графики, откако случајно била отстранета со „гломазен отпад“.

Графиката од 1980-тите, што ја прикажува тогашната холандска кралица Беатрикс во познатиот поп-арт стил на Ворхол, исчезнала кога се реорганизирала уметничката колекција, се вели во соопштението објавено од Општината Маашорст, откако било наложена истрага од независна агенција. Локалната власт соопшти дека не очекува да ги најде уметничките дела.

Како и графиката на Ворхол, на ист начин се изгубени и 45 други дела. Сите тие беа складирани во подрумот на градското собрание додека се реновираше зградата, но беа оставени незаштитени, преместени на различни места и претрпеа оштетувања од водата по протекување во 2023.

Не е јасно како точно се случил пропустот и кои службеници биле одговорни за исфрлањето на делата, кои биле проценети на вкупно околу 22.000 евра. Локалната власт открила дека уметничките дела се водат за исчезнати во ноември и го пријавила нивното исчезнување во полиција, но таа не дејствувала доволно брзо, се заклучува во извештајот што го истражува инцидентот.

Ова не е првпат уметничко дело случајно да биде фрлено. Во октомври, техничар за лифт кој работел во музеј на друго место во Холандија по грешка фрлил парче уметничко дело направено да изгледа како две празни лименки пиво. Сепак, конзервите подоцна беа извадени од кеса за отпадоци, и двете сè уште непроменети. Тие беа исчистени, а потоа изложени на традиционален постамент на влезот на музејот.