Им се извинувам на граѓаните што сум мислела дека си чесен, професор и интелектуалец, не знаејќи што навистина си, му одговори градоначалничката Данела Арсовска на премиерот Христијан Мицкоски чија партија ВМРО-ДПМНЕ ја поддржа за кандидатка за градоначалничка на Локалните избори 2021. Мицкоски денеска, одговарајќи на новинарско прашање за натрупаното ѓубре во Скопје, кажа дека досега десет пати се извинил што ја поддржал кандидатурата на Арсовски во 2021 и уште еднаш се извинува и таа грешка никогаш нема да ја повтори.
„Мицкоски, несреќо, јас завршувам со борбата во која твојот претседател на Совет на Град Скопје и твоите советници 4 години го блокираа и урнисаа градот. Не гласаа за нови автобуси, не гласаа за бесплатен превоз, не дозволија да се набави нова механизација за да се чисти ѓубрето, не гласаа ништо во интерес на граѓаните за да биде задоволена твојата суета. Ни за вработување на нови пожарникари, ни за нови противпожарни возила им кажа да не гласаат“, напиша Арсовска на својот фејсбук профил.
Мицкоски денес изјави дека за состојбата со затрупаниот град со ѓубре ќе има одговорност со име и презиме. Арсовска на ова му одговори: „ако сакаше да има одговорност, требаше твоите советници да дадат оставка, за да сега ти заедно си нив не си директно одговорен за хаосот во Скопје.
А. АНТЕВСКА
