Во 33 општини, меѓу кои и во Град Скопје, ќе се избира градоначалник во вториот круг. На вчерашните Локални избори, во прв круг беа избрани градоначалници во 44 општини, додека три во општини ќе се повтори првиот круг поради недоволен цензус. Вториот круг ќе се одржи на 2 ноември.

Според податоците на Државната изборна комисија (ДИК), градоначалници во прв круг се избрани во Берово, Битола, Босилово, Бутел, Василево, Вевчани, Велес, Гази Баба, Гевгелија, Ѓорче Петров, Градско, Делчево, Демир Хисар, Зелениково, Илинден, Јегуновце, Кавадарци, Карбинци, Кисела Вода, Кратово, Новаци, Ново Село, Охрид, Петровец, Пехчево, Прилеп, Радовиш, Ресен, Свети Николе, Сопиште, Струмица, Штип, Арачиново, Желино, Сарај, Теарце, Чаир, Богданци, Крива Паланка, Кривогаштани, Гостивар, Липково, Пласница, Чашка.

Општините каде ќе се гласа во втор круг се Аеродром, Брвеница, Валандово, Виница, Дебарца, Демир Капија, Дојран, Зрновци, Карпош, Кичево, Конче, Кочани, Македонска Каменица, Македонски Брод, Могила, Неготино, Пробиштип, Ранковце, Чешиново-Облешево, Боговиње, Дебар, Долнени, Тетово, Крушево, Лозово, Росоман, Центар, Чучер Сандево, Струга, Старо Нагоричане, Шуто Оризари, Куманово, Студеничани и во Град Скопје.

Во Старо Нагоричане сѐ уште е неизвесно дали ќе има втор круг, бидејќи кандитот од ВМРО-ДПМНЕ што води засега има освоено 50 проценти и се чекаат записниците од избирачките места.

Повторување на првиот круг на избори поради недоволен цензус ќе има во Маврово и Ростуше, Врапчиште и Центар Жупа.