Жител на кумановското село Черкези е осомничен дека во пораки преку социјални мрежи, го навредувал и му се заканувал на премиерот Христијан Мицкоски. Основното јавно обвинителство (ОЈО) Куманово соопшти дека јавен обвинител од поведе постапка против 39-годишникот поради основано сомнение да сторил кривично дело Загрозување на сигурноста од член 144 став 5 од Кривичниот законик.

„Ценејќи ги околностите на извршување на делото, ризикот од бегство, а особено фактот дека осомничениот се јавува како извршител на други кривични дела од областа на насилниот криминал – насилство, лихварство и поголем број на прекршоци за нарушување на јавниот ред и мир, јавниот обвинител до судијата на претходна постапка достави предлог за определување мерка притвор. Притоа, согласно обезбедените докази во однос на претходното поведение на осомничениот, станува збор за конфликтна личност која влегува во постојани расправии, закани и физички пресметки со пријавители, па се оценува дека постои реален ризик ваквите агресивни испади да прераснат во потешки кривични дела со животозагрозувачки последици со кои се заканува“, соопшти Обвинителството.