Сопственикот на европскиот шампион Вардар Сергеј Самсоненко му даде на премиерот Зоран Заев еден од златните медали, освоени на фајнл форот на ракометната Лига на шампиони во Келн. Ракометарите на Вардар денеска беа на прием кај Заев, од кого добија плакета.

Вардар во неделата го победи Пари Сен Жермен во финалето на фајнл форот со 24:23 со голот на Иван Чупиќ во последната секунда. Вчера им беше приреден пречек на Плоштад Македонија, каде со илјадници граѓани ја прославија шампионската титула, прва во историјата на клубот и прва воопшто за машкиот клупски ракомет.