Поголем дел од пратениците на ВМРО-ДПМНЕ пријавени за збор на седницата на уставните измени се откажаа од понатамошна дискусија. Собраниски извори за САКАМДАКАЖАМ.МК велат дека една од причините за ваквиот потег е одбивањето на претседателот на Собранието Талат Џафери да му дозволи на лидерот на ВМРО-ДПМНЕ Христијан Мицкоски да се обрати пред пратениците.
„Ги повлековме дискусиите, бидејќи беспредметна стана понатамошната дискусија за уставните измени. Нема смисла и веќе нема што понатаму да се зборува. Нека си зборуваат пратениците на парламентарното мнозинство“, велат пратеници на ВМРО-ДПМНЕ кои се повлекоа од дискусијата.
На листата дискутанти од опозицијата се останати само имињата на Елизабета Канческа-Милевска, Трајко Вељаноски, Владанка Авировиќ, Нола Исмајлоска и Панчо Минов. Вкупно останати за дискусија се уште 32-ца пратеници.
Г. ТРПЕНОСКИ
