Португалскиот фудбалер Кристијано Роналдо доби дозвола од селекторот Фернандо Сантос да ја напушти репрезентацијата среде Европското првенство во Франција за да се сретне со бразилскиот супермодел Алесандра Амброзио.

За фудбалерот и манекенката на „Викторијас Сикрет“ се вели дека ги имаат најубавите тела во светот

Средбата се случи во еден од најлуксузните ресторани во Париз и беше овековечена на Инстаграм од бразилскиот ТВ-водител и нивни заеднички пријател Матеус Мацафера.
„Бразил и Португалија доминираат во Франција“, напиша Матеус покрај фотографијата.
Роналдо и Амброзио имаа заедничка фото сесија за „Џи-Кју“ пред неколку месеци, како комбинација на, според магазинот, двете најубави тела во светот.
Португалија во саботата ја победи Хрватска со 1:0 во осминафиналето на Европското првенство и веќе в четврток Кристијано Роналдо и соиграчите ги очекува дуел со Полска за влез в полуфиналето.
На четирите досегашни средби на турнирот во Франција, ѕвездата на Реал Мадрид постигна два гола и тоа двата против Унгарија во последниот натпревар од фазата на групи.