Вкупно 2.000 луѓе беа ангажирани во создавањето на повеќе од 3.500 часа телевизиски содржини за публиката ширум светот за време на Европското првенство во фудбал, а кулминацијата на сето тоа ќе биде вечерва на финалето на „Стад де Франс“ во Париз.

Натпреварот помеѓу домаќинот Франција и Португалија ќе го снимаат 51 камера и тоа: две камери на хеликоптери што ќе кружат над стадионот, две камери на мотори, „пајак-камера“ закачена на жици над теренот, камери на шини зад двата гола, осум „супер слоу моушн“ камери што ги ловат деталите за повторените снимки од клучните моменти.