Градоначалничката Данела Арсовска го разреши од функција директорот на ЈП „Водовод“, Драган Илиевски. На негово место, како што соопштија од Градот, е поставен Виктор Панчевски, вработен во ЈП „Паркови и зеленило“.
Арсовска го разреши Илиевски додека тој е на боледување. Илиевски отворил боледување на 25 јануари, а овластување да го застапува му дал на вработениот Ѓорѓи Бошковски, внук на поранешниот секретар на Град Скопје, Зоран Глигоров.
Арсовска пред само три месеци му даде менаџерски договор на Илиевски, но сега го разрешува од функцијата.
Панчевски е четврти директор на „Водовод“ во мандатот на Арсовска. По доаѓањето на функција го назначи Златко Перински, кадар на ВМРО-ДПМНЕ, но го разреши по кавгата со Христијан Мицкоски. На негово место го стави Марјан Митовски, по неколку месеци го смени и него и го назначи за директор Илиевски, кој претходно беше в. д. во Зоолошката градина.
- АРСОВСКА ПАК СМЕНИ ДИРЕКТОР, ДРАГАН ИЛИЕВСКИ ОД В. Д. ВО ЗООЛОШКА ГРАДИНА ОДИ НА ЧЕЛО НА „ВОДОВОД“
- УПРАВНИОТ ОДБОР НА СКОПСКИ „ВОДОВОД“ ВО ХОДНИК ДРЖЕШЕ СЕДНИЦА ЗА РАЗРЕШУВАЊЕ НА В. Д. ДИРЕКТОРОТ ИЛИЕВСКИ, ОТИ ТОЈ ИМ ЈА ЗАКЛУЧИЛ САЛАТА
- ДИРЕКТОРОТ НА СКОПСКИ „ВОДОВОД“ КАЗНИЛ ВРАБОТЕН ОТИ РАБОТЕЛ НА ПРОЕКТОТ ЗА ПРЕЧИСТИТЕЛНА СТАНИЦА
А. АНТЕВСКА
