ДАНЕЛА ТРЕТ ПАТ СТАВА НОВ ДИРЕКТОР НА ЈСП, НА ДИРЕКТОРИТЕ ОД ДУИ ВО СКОПСКИТЕ ЈАВНИ ПРЕТПРИЈАТИЈА ИМ ПОТПИША МЕНАЏЕРСКИ ДОГОВОРИ

ДАНЕЛА ТРЕТ ПАТ СТАВА НОВ ДИРЕКТОР НА ЈСП, НА ДИРЕКТОРИТЕ ОД ДУИ ВО СКОПСКИТЕ ЈАВНИ ПРЕТПРИЈАТИЈА ИМ ПОТПИША МЕНАЏЕРСКИ ДОГОВОРИПетревски за година и половина откако на градоначалничката функција е Арсовска е трет директор на ЈСП. (Фото: Градски паркинг)

Досегашниот прв човек на ЈП „Градски паркинг“ Крсте Петревски е нов директор на ЈСП „Скопје“, информираат извори на САКАМДАКАЖАМ.МК во двете претпријатијата. Градоначалничката Данела Арсовска повторно менува директори и досегашниот Александар Стојковски го менува со Петревски кој е кадар на ГРОМ.

Петревски е трет директор на јавното сообраќајно претпријатие откако градоначалничка на Скопје е Данела Арсовска. Во моментов Скопје нема функционален јавен превоз кој треба да го организира ЈСП. Автобуси нема, се чека по еден час, а кога ќе дојдат се преполни, па граѓаните не можат да се качат.

САКАМДАКАЖАМ.МК побара изјава од Петревски за новата функција и како планира да го реши проблемот за тоа што Скопје нема јавен превоз, но тој не одговараше на нашите повици.

Одговор не добивме ниту на телефонски повици и пораки до градоначалничката Данела Арсовска и нејзниот тим за односи со јавноста. По обичај, никој не одовараше.

Арсовска вчера им ги продолжи договорите на досегашните директори на „Паркови и зеленило“ и „Улици и патишта“ Реџепи Зухејр и Саид Саид кои се кадри на ДУИ. На нив Арсовска после 6 месеци в.д. им додели менаџерски договори со мандат од 4 години. Од двете претпријатија ни ја потврдија оваа информација и рекоа дека вчера веднаш била потпишана и исплатена платата за месец март.

А. АНТЕВСКА

 

 

ЧИТАЊЕТО Е БЕСПЛАТНО.

АМА НОВИНАРСТВОТО НЕ Е.

Поддржете го слободното, независно, професионално новинарство. Новинарство со интегритет.

Симнете ја мобилната апликација

©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира