Во Битола денес  се евидентирани 28 новозарзаени од ковид-19, меѓу кои е и двегодишно дете, што е нов дневен рекорд во градот. Од Центарот за јавно здравје соопштија дека пациентите денес се на возраст од две до 78 години.

Продолжува понатаму истата практика како и досега, добар дел од инфицираните да не ги откриваат контактите. Така, од 28 заболени на дневна основа само 16 лица даваат податок за контакт со веќе позитивно лице.

Со денешните заразени лица, бројот на активни случаи во Битола достигна 200. Од појавата на пандемијата од коронавирус се разболеле над 550 битолчани, а оздравеле над 350. Битката со болеста ја изгубија 19 лица.

Ж. ЗДРАВКОВСКА