Две жени ноќеска починаа од ковид-19 на Инфективното одделение од велешката Општа болница, соопштија од оваа здравствена институција.

„Едната пациентка е на 57-годишна возраст, со прекумерна тежина и хипертиреоза, примена е на 25 октомври во тешка состојба со ниска сатурација. Втората почината е жена на 86-годишна возраст со хипертензија, приемена е на 19 октомври“, изјави д-р Весна Николоска-Неделкова, портпаролка на Општа болница Велес.

Ова се тринаесет жртви од Велес за една недела, починати од компликации предизвикани од ковид-19. Досега во Велешко починаа 29 пациенти со коронавирусот.

На Инфективното одделение хоспитализирани се 41 пациент, 33 потврдено позитивни, за осум кои имале симптоми се чекаат резултати од земен брис. Тринаесет пациенти се на кислородна поддршка.

П. ПЕЧКОВ