Од недела во Охрид поевтинува паркирањето во сите паркинг зони. Најдрастично е намалувањето во премиум зоната во строгиот центар на градот. Таму летово за еден час се наплаќаше 100 денари, а од недела цената ќе биде 60 денари.

На јавните површини околу центарот, во зоната А паркингот за еден час ќе чини 30 денари наместо досегашните 40 денари, а во зоната Б паркирањето од 30 денари се намалува на 20 денари.

Со завршувањето на официјалниот дел на туристичката сезона во Охрид беа отстранети и рампите кај Горна порта и црквата Света Богородица Каменско низ кои можеше да се помине само со посебни пропусници.

Д. ЧУБРИЌ