Повторно се укинува бесплатниот автобуски превоз за пензионери во Скопје. Минатата недела во автобусите на ЈСП „Скопје“ и на приватните превозници повторно беше воведено бесплатно возење за возрасни лица во вторник, петок, сабота и недела.

Но, поради зголемениот број на новозаразени со КОВИД-19 изминативе денови, денеска повторно е донесена одлука да се укине бесплатниот превоз за возразните лица бидејќи се најризична категорија.

„Апелираме на рационално користење на превозот и на задолжително носење на заштитна опрема согласно уредбите за заштита од КОВИД-19“, велат од ЈСП „Скопје“.

Од укинување на полицискиот час автобусите на ЈСП Скопје“ возат во текот на целиот ден, по саботен возен ред.

А. АНТЕВСКА