Агенцијата за млади и спорт денеска почна со реконструкција на култната сала „Партизан“ во скопски Карпош 4. Како што кажа директорот на Агенцијата за млади и спорт Наумче Мојсоски, комплетно ќе се изврши демонтажа и реконструкција на внатрешноста и надворешноста на салата според избраното идејно решение.
„За година и половина повторно ќе ја вратиме во функција оваа култна сала за Скопје. Ќе успееме достоинствено да ја вратиме и исполниме со спортисти, натпревари и публика. Реконструкцијата ќе чини 69 милиони денари (1,1 милион евра) кои се обезбедени од Владата. Изведувач на градежните работи е фирмата ‘Спектартермо‘“, рече Мојсоски.
Салата „Партизан“ повеќе од 20 години не функционира и со години стои распадната, запуштена, искршена, полна со ѓубре и отпадоци. САКАМДАКАЖАМ.МК во јануари 2019 алармираше за состојбата на салата, по што тогашниот градоначалник Стефан Богоев најави нејзина реконструкција и враќање во употреба. Беше избрано идејно-решение од архитекти од Шпанија и Бразил кои го донираа проектот на Општината.
Спортската сала „Наум Наумовски-Борче“ или позната кај скопјани како „Партизан“ е изградена во 1969, како донација на француската влада за обнова на Скопје после катастрофалниот земјотрес во 1963.
- САЛАТА „ПАРТИЗАН“ ВО СКОПСКИ КАРПОШ, ПОДАРОК ОД ФРАНЦИЈА ПО ЗЕМЈОТРЕСОТ, СЕ РАСПАЃА, РАЗУРНАТА И ЗАПАЛЕНА
-
ТИМОНИЕ ЈА ВИДЕ УНИШТЕНАТА САЛА „ПАРТИЗАН“ КОЈА Е ДОНАЦИЈА ОД ФРАНЦИЈА ПО ЗЕМЈОТРЕСОТ
-
СПОРЕД ПРОЕКТОТ НА АРХИТЕКТИ ОД ШПАНИЈА И БРАЗИЛ ЌЕ СЕ РЕНОВИРА САЛАТА „ПАРТИЗАН“ ВО КАРПОШ
А. АНТЕВСКА
