Подземните контејнери низ Скопје не се исчистени неколку дена и во нив нема место за фрлање на ѓубрето. Ѓубрето мора да се остава покрај контејнерите и со тоа низ цел град се создаваат купишта отпад и мали депонии, а околу се шири реа. Ѓубре има дури на пешачките патеките низ кои се минува.

Ова не е првпат ЈП „Комунална хигиена“ да не го собира навремено ѓубрето од подземните контејнери, па низ Скопје се создаваат депонии.

Градоначалникот на Општина Центар Горан Герасимовски рече дека утрово сликава низ Центар била ужасна, со ѓубре на сите страни.

Откако на функцијата градоначалник на Скопје е Данела Арсовска во градот постојано има проблеми со ненавремено собирање на ѓубрето. (Фото: К. Попов)

„Град Скопје и ЈП ‘Комунална хигиена’ повторно потфрлија со одржувањето на хигиената на територија на Центар. Утрово, дебармаалци се соочија со идентична глетка како од пред два месеца,преполни контејнери со смет и лоша миризба кои не само што се закана по здравјето на центарци, туку, исто така и го нагрдува изгледот на централното градско подрачје кадешто циркулираат голем број на граѓани“, вели Герасимовски.

Откако градоначалничка на Скопје е Данела Арсовска, во градот постојано има проблеми со ненавремено собирање на ѓубрето. Полни контејнери има не само на главните улици, туку и низ населбите каде кантите од куќите не се празнат со денови.

А. АНТЕВСКА