СДСМ има коалиција и со ДУИ, ДПА и Беса и заедно ќе настапат на престојните локалните избори, рече премиерот Зоран Заев денес во Битола.

„Деталите не можеме да ги кажеме уште оти не го знаеме имињата на кандидатите, но ги знаеме принципите на коалицирање, солидарноста. Онаму каде што имаат сите партии од коалиционите партнери кандидати логично е да трчаат сите во првиот круг, ќе кажат граѓаните кој чини, а кој не, а потоа ќе се поддржиме и коалиционо“, рече Заев одговарајќи на новинарско прашање што ќе значи за СДСМ најавата дека ДУИ и Беса ќе коалицираат на изборите.

Тој за пример го посочи Тетово, како Општина каде веројатно ќе има и најмногу кандидати за градоначалник, и од ДУИ, Беса, ДПА и, како што рече, веројатно од СДСМ.

„Се знае, првиот круг одат сите, а потоа се поддржуваме“, додаде Заев.

Ж. ЗДРАВКОВСКА