ВО СТУДЕНЧИШКИОТ КАНАЛ ПЛИВА НАФТА, ИСЧЕЗНАА РИБИТЕ 

    ВО СТУДЕНЧИШКИОТ КАНАЛ ПЛИВА НАФТА, ИСЧЕЗНАА РИБИТЕ Нафтената дамка ја има зафатено средината на каналот, веднаш до местото каде што пред неколки дена потона бродот „Лихнида“. (Фото: СДК.МК)

    Во Студенчишкиот канал во Охрид и по неколку дена од потонувањето на бродот „Лихнида“ плива нафта. Нафтената дамка ја има зафатено средината на каналот, веднаш до местото каде што потона бродот.

    Во ова време, во каналот свое зимувалиште имаше познатата охридска плашица, а сега речиси воопшто ја нема.

    „Годинава, плашицата ја нема во каналот. По минатогодишниот помор на повеќе од половина тон, оваа риба најде други зимувалишта. Се сомневам дека воопшто ќе дојде на овој дел од брегот. Во предходните сезони при големи невремиња плашицата спас наоѓаше во Студенчишкиот канал, бегајќи од други делови на охридскиот брег“, велит охридски рибар.

    Студенчишкиот канал, покрај оние до брегот на Пештани и Радожда кај Струга, е едно од најголемите природни зимувалишта на плашицата.

    Д. ЧУБРИЌ

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира